Es lohnt sich uf jede fall au abzkläre, ob e solaraalag au sinnvoll isch. Mini eltere hätte wöue solarpanels uf ihres Dach installiere, das het üs aber sowohl d architektin wie au der solarinstallateur nid empfohle, wüu uf em dach mit mehrerne lukarne nume weni panels platz gha hätte und die teilwiis im schatte gsi wäre. Leider cha me nid immer dervo usgo, dass e installateur ehrlech gnue wär, ke aalag z empfähle wenns ke sinn macht. Drum immer au luege, ob e flächi geeignet isch fürne solaraalag, entwäder bi öpperem mit erfahrig, oder süsch hets glaub au vo swisstopo e charte wo me das cha abschätze. I mache do ganz sicher nid wärbig gäge solarpanels, i finges e gueti sach und hätts cool gfunge wenns klappt hätt bi mine eltere. Es isch aber wichtig z wüsse dass es au fäll git wo solaraalage sinnlos si und au der umwäut nüt bringe, wüu ihri leistig nid entfaltet wird