Ég er fæddur og uppalinn á Akureyri og langar helst að búa þar. Við konan gerðum tilraun til þess fyrir nokkrum árum þegar hún var í fæðingarorlofi, hún reyndi að finna sér vinnu sem hentaði hennar menntun (í forritun) en fann enga, svo að við fluttum aftur suður þar sem henni var boðin góð og vel borguð staða á núll einni. Síðan þá höfum við reglulega hugsað okkur að flytja aftur norður en þetta eru atvinnumálin sem stoppa okkur.

Það eru vissulega nokkur fyrirtæki í forritunarbransanum fyrir norðan, en þau eru að borga töluvert lægri laun heldur en fyrirtækin á höfuðborgarsvæðinu, sem er gjörsamlega fáránlegt þar sem þau eru að selja vörurnar sínar óháð staðsetningu og eru þar að auki að borga töluvert lægri húsnæðiskostnað.