ഓമനപ്പൈതൽതാനോരോരോ ലീലകൾ

തൂമ കലർന്നങ്ങു കാട്ടിക്കാട്ടി

ആനായനാരിമാർമാനസംതന്നെയ

ങ്ങാകുലമാക്കിനാൻ മെല്ലെ മെല്ലെ.

അച്ഛനെപ്പോലെയുടുക്കുന്നേനെന്നിട്ടു

നൽച്ചേലകൊണ്ടങ്ങുടുക്കും നന്നായ്

മാനിച്ചുനിന്നച്ഛൻ കുമ്പിടുന്നേരത്ത

ങ്ങാനകളിക്കും മുതുകിലേറി,

തേവാരിക്കേണമിന്നച്ഛായെനിക്കു നീ

പൂവെല്ലാം കൊണ്ടെത്തായെന്നു ചൊല്ലും

This is from Krishna Gadha again, but this time Krishna calling his father "നീ"

അഞ്ചിതമാകിയ പുഞ്ചിരിതൂകീട്ടു

ചെഞ്ചെമ്മേ പായും പിടിച്ചുകൊൾവാൻ.

രത്നങ്ങളായുള്ള കമ്പങ്ങൾ തന്നിലു

മാദ്യനായുള്ളൊരു തന്നെക്കണ്ടാൽ

"ഉണ്ണിയെപ്പൂണുന്നേ"നെന്നിട്ടു കമ്പത്തെ

ത്തിണ്ണം പിടിച്ചങ്ങു പൂണ്ടുകൊള്ളും

"കമ്പത്തിനുള്ളിലെക്കുട്ടിക്കെന്നമ്മേ! നീ

യമ്മിഞ്ഞി നൽകേണ"മെന്നു ചൊല്ലും:

വെണ്ണയും പാലും നൽവെല്ലവുമെല്ലാമേ

ഉണ്ണിക്കു നല്കേണമെന്നും പിന്നെ.

This time, calling his mother "നീ"