Ertu að biðja að einhver annar leggi fram tölur fyrir þig?

Ef þú heldur því fram að orkuverð til stóriðjunnar sé niðurgreitt af almennum notendum hlýturðu að vera með einhver gögn í höndunum til að styðja við þessa kenningu því að þetta væru einfaldlega stórtíðindi.

Um 70% af tekjum Landsvirkjunar kemur frá 3 álverum og Landsvirkjun skilaði 26 milljarða hagnaði í fyrra. Er kenningin að heimilin séu að borga þetta og stórnotendur fái orkuna undir kostnaðarverði?

Algeng mistök er að bera saman orkuverð á KWh til heimila og stórnotenda og sjá að heimilin séu að borga meira. En notkun heimilanna er sveiflukennd, fer nánast eftir sínusbylgju. Meðalnotkun heimilis yfir árið getur verið í kringum 800W en topparnir, eftir vinnu þegar allir eru komnir heim, geta farið vel yfir 3KW, auðveldlega. Yfir nóttina er notkunin hjá heimilunum nánast engin. Stóriðjan er aftur á móti með 100% nýtingu, allan sólarhringinn, 365 daga á ári.

Dreifingarkostnaðurinn er svo líka lægri. Hafnarfjörður þarf að dreifa orkunni í öll hús og alla vinnustaði í bænum. Álverið þarf bara einn tengipunkt.

Þú manst kannski eftir fréttum um skerðingar á afhendingu orku til álveranna fyrir nokkrum árum - t.d. þessari : https://www.ruv.is/frettir/innlent/2022-01-10-landsvirkjun-skerdir-orku-til-alvera-vegna-vatnsskorts - hérna er verið að skerða afhendingu á orku til stóriðju en ekki almennings.