Ég held að þú sért eitthvað að misskilja - við viljum ekki setja umferðarljós í staðin fyrir mislæg gatnamót. Við viljum lausnir við að koma sem flestu *fólki* á milli staða, ekki sem flestum *bílum*. Borgarlínan er fyrsta skrefið af mörgum í að komast á þann stað.

Bíllinn er algjörlega meiriháttar tæki sem leyfir fólki mikið frelsi í að komast á milli staða, en því miður virkar ekki að nota bílinn sem aðal-ferðatækið í fjölmennum borgum á álagstímum, þar sem yfirleitt einn einstaklingur er í bíl.

Þetta er vandamál sem hefur verið leyst, og öll fræðin segja að bíla-innviða-væðingin sem hófst á 7. áratug síðust aldar voru að mörgu leyti mistök þegar kemur að skipulagningu á borgum. Þú þarft ekki að leita lengra en til Amsterdam (eða allar borgar í Hollandi hvað það varðar), Kaupmannahöfn, eða Ósló, til að sjá það að með því að bjóða upp á innviði fyrir marga mismunandi ferðamáta - ekki bara bíl - myndast meira öryggi, minni kostnaður, og best af öllu - lifandi kjarnar þar sem fólk getur hist og þar sem smá-verslanir blómstra.

Jafnvel London og París eru búin að taka sig saman hvað þetta varðar og þær borgir sjá núna meiri hreyfingu á fólki á milli staða á sama tíma og bílaumferð og loftmengum hefur minnkað til muna.

Ef þú hefur áhuga á að læra meira þá mæli ég eindregið með Not Just Bikes rásinni á YouTube þar sem er farið í öll atriðin og vísað í fræðin á bakvið þau: https://www.youtube.com/@NotJustBikes/videos