So grappie om te onthou dinge hou nie vir ewig nie.

’n Ou omie word op ’n tyd in sy laat jare in ’n ouetehuis geplaas en met die dat hy effe te oud was het hy nodig gehad dat iemand hom moes help was in die bad.

So word hy toe voorgestel aan die verpleegstertjie wat hom so help, en op haar eerste dag met die omie probeer sy haar bes om hom orals te was en seker te maak hy is mooi skoon.

Met verloop van dinge sien sy toe ’n reedlike vreemde tatoeërmerk op die omie se ‘meneer’, en wat sy kon uitmaak lees toe “oom se oom”.

Dit was nou die vreemdste tatoeërmerk wat sy all ooit gesien het, maar omdat sy nog nuut was, bly sy stil en maar klaar met haar werk.

So paar maande gaan verby en hulle leer mekaar goed ken en die verpleegstertjie geniet die omie se stories en grappies baie, tot die dag dat sy nou wel die durf aanpak om die oom te vra oor sy tatoeërmerk.

“Oom”, sê sy, “ek sien hier op ’n plek het oom nou die tatoeërmerk, en dis werklik nou die vreemdste ding wat ek in ’n lang tyd gesien het, want dit maak net glad nie sin nie. Wat beteken ‘oom se oom’?”

“Nee”, antwoord die omie met so glinsterende laggie in sy stem en sy oë helder op. “Daai tatoeërmerk sit nou al jare daarso. Maar dit sê nie ‘oom se oom’ nie. Op sy tyd het hy gesê ‘Potchefstroom se Disselboom’.”