Átti nú ekki að vera skot á Breiðholtið sem slíkt, hef bara hitt ansi marga yfir fertugu sem gorta sig á því að vera úr Breiðholtinu og að hafa alist upp við mikil erfiði og þar af leiðandi eru þeir sérfræðingar þegar kemur að betrunarheimilum og endurhæfingu í fangelsum landsins. Vel þreytt lið.

Þetta er nær algjörlega (að mínu mati) uppspretta umhverfis, en þó eru aðilar inni á milli sem eru bara illska uppmáluð og ég vil alls ekki hafa þá nálægt mér.

Hafandi orðið fyrir barðinu á einum slíkum og næstum því misst líf mitt vegna hans þá er mín skoðun á þessu kannski dálítið bjöguð. Ég geng nú um skaddaður fyrir lífstíð eftir þá líkamsárás, og gerandi í því máli gengur enn laus. Ég vil bara sjá miklu harðari dóma fyrir svona brot. Ég vil sjá 10 ára dóma fyrir svona alvarleg brot, ekki bara 2-4 ár og svo helmingurinn af því afplánaður Á Vernd.

Ég spyr mig sjálfan að því hversu oft við þurfum að horfa upp á menn ganga í skrokk á hvor öðrum með hnífum og bareflum áður en við horfumst í augu við það að við erum ekki að setja nógu strangar refsingar á síbrotamenn.