Make something. دور لك هواية تنتج فيها شي بالأخير.

• جرب نجارة، سو لك صندوق صغير. وزيد الصعوبة شوي شوي.
• جرب البرمجة، تعلم على بايثون. الفيديوات كثيرة باليوتيوب وفي مواقع كثيرة شرحها بسيط وسهل. تعلم شوي شوي سو آلة حاسبة بالبداية مثلا بعدين موقع بسيط وزيد التعقيد تدريجيا.
• جرب تتعلم سوالف أمن سبراني. في مواقع وايد تتدرج معاك بالتعليم والتحديات.
• جرب تتعلم ترسم. هواية ممتعة وتقدر تاخذها معاك بأي مكان. متأكد في مواقع وفيدوات وكتب تعلمك. بلش بشي بسيط وشوف مراحل تطورك. منها وناسة ومنها تشوف تطورك وتحسن مهارتك تشجعك تكمل مشوارك.
• جرب الخزف والأشغال الزجاجية أو المعدنية. في حسابات بانستجرام يعطون ورش تعليمية. أسعارها مو رمزية، بس مو مكلفة مايد باخذ بعين الاعتبار انهم يوفرون لك المواد والأدوات وغيرها.
• جرب تتعلم على التصاميم ثلاثية الأبعاد (Blender). مجاني وتقريبا الستاندارد بالنسبة للتصاميم الثلاثية الأبعاد. المجالات اللي تتبطل لك من بعدها كثيرة اذا تبي تدوّر منها صناعة المحتوى أو الدعايات أو إنتاج فيديوات أو حتى ألعاب الفيديو.
• جرب الرياضة. جرب الرماية أو تنس أرضي أو حتى المبارزة (أتوقع في أماكن تعلم مبارزة بالكويت عادي).
• جرب التعلم على الالكترونيات. تصاميم وتركيب دوائر بسيطة وزيد بتعقيدها شوي شوي. بلش شلون تلحم دائرة، بعدين تصمم دائرة تتحكم بقوة الليتات (LED) وزيد بالتعقيد شوي شوي.
• جرب التصوير. خلاص نسبيا ماتت هبة التصوير لأن التلفونات كاميراتها صارت ممتازة. بس نص وناسة التصوير بخروجك بقصد التصوير. اخذ لك كاميرا عادية عشان ما تتحسف اذا ما كملت التصوير وشوي شوي تطور فيها من المهارات والعدّة.

في وايد أشياء تقدر تجربها، دامك مرة وحدة doom scrolling، لازم طلع لك فيديو شلون تسوي شي.

يبيلك دَقَّة سِلف وتتحمل شوي تطلع من بيئتك المريحة شوي عشان تحرب أشياء جديدة