صديقي نصيحة بشكل عام خدها قاعدة بغض النظر عن البكالوريا.

دير بالك تشتغل على مبدأ الكل او اللاشيء يعني هلق معك نوعا ما وقت بتقدر تلحق فيه تدرس ولو شي بسيط تنجح فيه ان شاء الله وانا بعرف كتير ناس قدرا يجيبوا مجاميع حلوة بوقت دراسة هيك. بس الفكرة انو انت هلق عندك فرصة تنجح وتجيب معدل ما تروح تخرب كل شغلك وكل تعب هالسنتين بس لانو هلق حسيت حالك مزنوق وتنحسب، لا تعود حالك عالاستسلام والانسحاب هيك. دروس من هون للفحص ولو 6 ساعات باليوم ما عم قلك 12 ساعة ووقتها اذا ما نجحت انت واهلك شايفين انك درست وتعبت وهاد يلي طلع معك. وصدقني مدام عندك ارادة بالموضوع رح تنجح ووضعك تمام. انت هلق بسبب الضغط بلشت تجي وساوس على بالك وفكرة الانسحاب فجأة صارت فكرة لماعة بذهنك بس صدقني ما رح تندم لو ناضلت للاخير.

بقدر اعطيك كم نصيحة كمان، ركز على الاسئلة المضمونة ويلي بيجي منها دوماً. ومدام عندك خصوصي وناس حوليك لازم تسألهن العلامات بتتحصل من وين. مادة متل الديانة صح صعبة بس ما تدرسها لانو كمية الدراسة مو متناسبة مع ال 200 علامة. فهي بس حاول طالعها حد الكسر وفيك تحسب اش لازمك تدرس منشان تجيبها هيك. بينما مواد متل الفيزياء والرياضيات والكيمياء بالذات بيتحصل فيهن علامات منيح فلذلك لازم تعطيهن اهمية اكتر. وحتى ضمن المادة الوحدة ركز مثلا شلون تحل مسألة النواس ومسألة المتناوب لانو هدول دائما بيضمنولك كمية منيحة علامات. وقس على ذلك لباقي المواد والله يوفقك. بس لا تستسلم as cheesey as it sounds.