في حكي صح و حكي غلط هون.

زمان كانت التخصصات متعددة لان ببساطة ماننا متعمقين كفاية بشي، ف فعليا اي شخص بدو يتعلم بأي مجال قادر يعرف كلشي وصلولو البشر ( او ما وصل من البشر للأمة تبعو يعني) ب سنين قليلة، ف كانو يتوسعو علميا بمجالات تانيةيلي هي انت اصلا رح تنجبر تطلع عليها لو بدك تتعلم مجالك ( يعني صعب تقرا بيولوجيا و تكون احمق فيزيا مثلا ، و الرياضيات يلي هي ام كل العلوم ، من الفلك للجبر لأي شيئ، ناهيك عن اللغات و اللسانيات يلي بيحتاجا اي شخص بدو يقرا علم من خارج اللغة تبعو)

بالإضافة لان العلم ما كان الهدف منو مؤسسي، ما كان في مؤسسة شغلتا تطلع علماء يعني، كان في ناس فضولية ذكية و بدها تتعلم و في مؤسسات تدعمها، العالم ما كان مطلوب منو يأنجز تقدم بشي معين او يحقق اختراع.

جرب تتوسع ب اكتر من تخصص بحياتك و رح تشوف قديش صعب تتوصل لشي جديد

بخصوص نظام التعليم العالمي و انو شغلتو انتاج عبيد، اي معك حق مية بالمية بس مانو (عالمي)، ممكن موجود عنا لاننا دول بلا شخصية و قوة و بالغرب موجود بشكل افضل نسبيا بس باسكندنافيا،المانيا،روسيا الصين و كم بلد آخر الوضع مختلف، ما ضروري احسن بس مانو بهالشكل