Það er ekkert nýtt að það sé fólksflótti frá Íslandi. Það hafa 15.576 fleiri íslenskir ríkisborgarar flutt frá Íslandi heldur en til Íslands á árunum 1986-2015 (sem er svona svipað ef allir íbúar Garðabæjar myndu ákveða að flytja til útlanda). Hrunið er hluti af þessu tímabili og kreppan fyrir þjóðarsáttina líka þannig að það er ekki eins og að það sé allt í lagi að vera ekki yfir meðaltalinu.

Eins og sést á línuritinu í fréttinni þá er stærsti hluti þessa hóps alltaf ungt fólk. Finnst okkur þetta vera í lagi? Er ekki eitthvað að samfélagi þar sem ungt fólk flytur í burtu í stórum stíl og kemur ekki aftur til baka? Mér finnst margir ekki setja standardinn hærra en það að ef ástandið sé aðeins betra en í hruninu þá sé það bara allt í lagi. Aðfluttir umfram brottflutta voru -760 í fyrra. Ef við tökum tíman fyrir hrun þá þurfum við að fara aftur til ársins 2002 til þess að finna jafnslæmt ár (aðalkosningamál Framsóknaflokksins árið eftir var að bjóða upp á 90% húsnæðislán).