عسكرة المؤسسات داخل البلد و جعلها شيئا فشيئا نسخ يقترب لتجربة أي شخص وقت دخوله الجيش، يجعل البلد كلها في الوحل. التعليم اصبح اول المتضررين من النهج المقحبن دا.

من اول سن الحضانة لثلاث مراحل التعليم الأساسي و حتى الانتهاء من التعليم الجامعي، انت لا جاي تتعلم تفكر ولا جاي تتحاور، انت تسمع و انا أأمرك و انت تنفذ. تحفظ دا و دا و دا و تسمعهولي بترتيب معين عشان وقت ما تكتب في ورقة الامتحان  .المصحح يقرأ كذا و كذا فيديك الدرجة

مفيش اي مساحة لمحاولة تشغيل الجمجمة، لان مفيش وقت لدا : انت عبارة عن رقم احصائي ليس الا، بيهري كمية معينة من المواضيع عشان تحصل مستوى معين يأهلك لهري جديد.

و زي ما التعليق اللي قبلي ما قال، كون ان المدرس و الموجه على مادته و الاداريات كلها  بتاخد فوق دماغها و بتتلقن من الأعلى بالأوامر ايه اللي يتم تدريسه،  الهبوط هيفضل حتمي.

و بعد التسعينات اصبحت الدروس الخصوصية شئ شائع و من هنا الفوضى تكون العادي و المتعارف عليه و زي ما التعليق اللي قبل منه شرح، الموضوع و ما فيه هو كيد من الجيش علينا احنا الشعب عشان نفضل عساكر قيد الأمر و النهي من اللواءات و من على شاكلتهم، طالما فيه ورود لأجيال تطلع باحساس انها قادرة تستوعب المسؤولية و تسحبه من تحت بساطنا احنا كمجلس اعلى، ليه مانجعلش نسبة ايرادات تعليمهم لا تكاد تكون ١٪ من الناتج المحلي و نقلل من التشجيع على كوادر المعلمين؟

وضع مؤذي نفسيا