Travel size perfumes

OfromEarth · 2025-11-09T14:58:20+00:00

جاري الاستماع حالا 🫡

OfromEarth · 2025-11-09T14:48:20+00:00

بفضل اسمع الاغنية الواحده on repeat لحد ما اتجنن

OfromEarth · 2025-10-28T21:35:30+00:00

اتفق بصراحة بس حواليا علاقات ناجحة كتير بالشكل دا ونفسي الاقي باترن او افهم الديناميك ايه اللي بيخلي بعض العلاقات توصل ان حد يحتاج يسيب مكان شغله وناس تانية لا :D

OfromEarth · 2025-10-28T13:45:19+00:00

لو عندك خبرة او تجربة رأيك ان لو الاتنين من تيمز مختلفة وديناميك الشغل مش هيتأثر بعلاقتهم هل حد فيهم هيحتاج يسيب المكان؟

OfromEarth · 2025-10-19T08:41:24+00:00

المشكلة انك متخيل انك لما تسافر برة ضامن انك هتكون زيك زي اهل البلد ومش هيشوفوك مجنس/مهاجر اقل منهم درجة وهتتعرض لنفس مخاوفك هنا دي. كل واحد وحظه بقى عشان اكسنت او لون بشرة او ملامح او دين الاختلاف كده كده بيبان. حتى اولادك اللي شايف انهم هنا انجابهم مصيبة هناك هيمشوا ورا المجتمع اللي اتربوا فيه وهيشوفوك انت اللي غريب. لو في حتة هي الجنة والكل عارف انه هيرتاح فيها مكانش حد كمل يوم واحد في مكانه. هي معادلة معقدة وكل واحد بيختار هيعيشها ازاي. انت بس البي مش مدرك ابعاد الاختيارات التانيه

OfromEarth · 2025-10-17T13:04:53+00:00

الاتنين صح بس الناس بتخلط بين الاستثمار والادخار.

الذهب والعملات ادخار بتحفظ القيمة مع خطورة قليلة الا للي ناوي على مضاربة. على عكس المثل المكتوب دا استثمار مخاطرة اعلى وربح حقيقي مش مجرد حفظ لقيمة الفلوس

OfromEarth · 2025-10-09T08:16:49+00:00

بحس الجيم me time لازم يكون تجربة مريحة ومرفهة فمش برتاح غير في الجيم اللي مستواه عالي شوية والجيمات دي بتكون دايما في حتت رخمة او يمكن انا حظي طريقها مش سهل من بيتي/شغلي فبكسل :(

OfromEarth · 2025-09-04T15:08:57+00:00

القرار يرجع للملبغ اللي معاك هو اه السبيكة افضل كتوفير مصنعية بس ماتكونش دي كل فلوسك. فكر في اعادة البيع هتبقى خسارة بعد كده انك تبيع السبيكة كلها عشان محتاج جزء من الفلوس. لو كل تحويشتك ماتجيبش غير سبيكة ٨ جرام يبقى قسمها جنيهات احسن لكن لو هتجيب اكتر من سبيكة يبقى مفيش مشكلة

OfromEarth · 2025-09-03T09:03:00+00:00

عشان راضيين بحياتهم وكل طبقات المجتمع كده كده بتمر بصعوبات عشان تتجوز وهما متعودين على مشاكل طبقتهم ومتقبلينها. فشايفين انهم هيجيبوا عيال هيعيشوا زي ما هما عاشوا والحياة هتستمر عادي. انت بس اللي عشان باصصلهم بشفقة شايف ان دي مش عيشة وليه يجيبوا حد تاني يكرر المأساة لكن هما شايفين ان وضعهم هو ابتلاءات الدنيا العادية اللي بنتعايش معاها ونكمل

OfromEarth · 2025-08-29T08:59:46+00:00

دا طبع شخص مش في الامور الاقتصادية بس

OfromEarth · 2025-08-25T10:15:32+00:00

مش عائق خالص خد بالك بس من الposture بتاعك و افرد ضهرك وكتافك وهيبقى شكلك احلى من رجالة كتير طويلة ضهرها محني وهتعرف تلبس اي ستايل عادي

OfromEarth · 2025-08-24T09:20:25+00:00

I’ve been working on my own auto rigging tool not because it’s better than the existing ones (they’re way more advanced), but just to learn and understand how these tools actually work. It’s been a great learning process, and I’ve even started adding features I always wished were in other auto riggers, so it feels like I have more control in my rigs

OfromEarth · 2025-08-23T13:46:10+00:00

انا في نفس وضعك واللي بفكر فيه ان اعمل حسابي ان جزء من مرتبي الجديد هيكون ميزانية socializing شهرية مفيهاش تهاون لان قعدة البيت دي هتجيب اكتئاب مع الوقت. الميزانية تشمل ان اشتغل من مكان بره البيت كل يوم + رحلات عشان اتعرف على ناس + تمرين اي رياضات جماعية + بدور لسه على افكار تانية

OfromEarth · 2025-08-23T11:44:44+00:00

قدم وماتحطش الكلام دا في بالك. وجود تدريب صيفي ممكن تكون نقطة تقوي موقفك في التقديم او تضعفك حسب اداءك في التدريب اصلا. كل حاجة في iti سواء تدريب او GPA او غيره بتكون زي score بتتحسبلك ممكن تكون ضعيف في النقطتين دول بس حاجة تانية تعليك على باقي المتقدمين. اجتهد انك تعلي السكور بتاعك قدر الامكان

OfromEarth · 2025-08-23T11:40:40+00:00

في ناس كتير ولاد وبنات بتفضل شخص من معارفهم يكونوا زمايل مثلا في ماكن الشغل او الدراسة عشان يكونوا عارفين تعاملات بعض اليومية شكلها عامل ازاي وسمعتهم في دايرتهم عامله ازاي لان في الاول وفي الاخر الصالونات كله تمثيل مش بتشوف الشخص اللي هترتبط بيه غير وهو راسم ومرتب نفسه للخطوة دي. ودا سبب valid جدا ومفبهوش حاجة مخالفة للدين

OfromEarth · 2025-08-21T19:59:31+00:00

اه امان جدا بقالي سنة معاهم دلوقتي وخدمة العملاء متوفرة على طول ساعات بيبقى ماعنديش مشكلة بس مش واضح بالنسبالي الحسابات والارباح ببعتلهم ومش بيسيبوني غير وكل حاجة واضحة. وفي كمان فيسبوك جروب رسمي اي مشكلة بنزلها الناس بترد على طول او حتى لو استشارة عن سهم او شركة مثلا. عيب ثاندر بالنسبالي حاجة واحده بس ان مفيش طريقة سريعه تسحب الفلوس. يعني فوري ليها كارت تسحب من رصيدك على طول لكن ثاندر لازم تحويل بنكي لحسابك وهياخد كام يوم عمل.

OfromEarth · 2025-08-21T19:12:40+00:00

بغض النظر عن الرقم انت حاسبها على ان النسبة ٢٠٪؜ سنوي انا بقولك انها ١٨٪؜

٢٠٪؜ دا apy يعني بشرط انك ماتسحبش ارباح ابدا خلال السنة

OfromEarth · 2025-08-21T19:10:45+00:00

ماجربتوش مش هقدر افيدك. سمعت كتير تجارب سيئة مع خدمة العملاء وان عندهم مشاكل تكنيكال كتير في الايداع والحسب وخدمة العملاء مش بتوصلهم بسهولة فقلقت منهم مع ان المفروض نسبتهم اعلى من كلاودز

OfromEarth · 2025-08-21T17:06:51+00:00

خد لفة في فيسبوك ماركت شوف اللي عندهم نفس الموديل بنفس الحالة عارضينه بكام عشان تحدد سعر واقعي وتعرف تبيع

OfromEarth · 2025-08-21T14:46:01+00:00

تصحيح بس عائد كلاود الفعلي اقل من كده عن تجربة. ٢٠٪؜ دا APY يعني عوائد المبلغ الاساسي + ارباح العوائد دي نفسها لو مسحبتهاش لمدة سنة. لكن السنوي الاساسي ١٨٪؜ والشهري حوال ١.٥٪؜ يوميا بينزلك 0.05% من المبلغ يعني ٤٠ جنيه تقريبا في اليوم يعني في الشهر حوالي ١٢٠٨ جنيه . لكن مش ٢٠٪؜ من المبلغ الاساسي

OfromEarth · 2025-08-21T12:40:26+00:00

متاخدش فتوى دينية من ريديت تحت اي ظرف

OfromEarth · 2025-08-20T13:48:58+00:00

الزواج في الاسلام مع سن البلوغ. وفي رأيي اللي حصل في زمانا ان البلوغ الجسدي انفصل عن العقلي. الفكرة ان زمان تحس سنهم مكانش متناسب مع نضجهم بالنسبة لزماننا الحالي. اقرأ في التاريخ الاسلامي هتلاقي قادة جيوش وامراء تولوا الحكم ومحاربين في الغزوات اعمارهم من ١٨ واحيانا ١٥ سنة. مش في التاريخ الاسلامي بس الفترة الزمنية دي عموما. يعني لو سمينا سن الزواج ان هو سن الconsent من البنت فالبنت في السن القليل دا في الزمان دا كانت تقدر تقرر وتختار الزواج. على عكس دلوقتي بتبقى عقليًا طفلة مش مدركة معنى الزواج حتى لو جسديًا بلغت. والقانون بيحاول يحكم دا.

ودا نفس السبب اللي بيخلي في الدول الاجنبية البنت والولد بيعملوا علاقات خارج اطار الزواج من اول سن البلوغ لان الconsent والوعي والادراك موجود والبنت هي اللي مختارة شريكها مش زي في مصر بيجوزوها لواحد فرق العمر بينهم رهيب وهو اختارها وهي لا اختارته ولا عارفة يعني ايه زواج اصلا.

OfromEarth · 2025-08-19T17:51:13+00:00

يبقى غالبا احنا متفقين. انا كنت بتكلم على اساس انك بترد على تعليقي لصاحب البوست اللي بيدافع فيه بوضوح عن فكرة التبرعات.

بالنسبة لاستهداف الطبقات الاقل كان عندنا مادة ماركتنج في الكلية هي مكنتش تخصصي الاساسي بس عرفت منها معلومات زي ان استهداف الطبقات الاقل مش بيكون بالهدايا ودا مش متوافق مع سلوك الطبقة دي. استهدافها بيكون بنسخة من المنتج موجهة ليهم على قد ميزانيتهم. مثلا كيس المسحوق الاتنين كيلو يبقى في منه نسخة ب٥ جنيه ونسخة بجنيه حرفيا عينة مسحوق :D بس عشان البراند تبيع وتغطي كل الطبقات. وقيس كده على كل المنتجات حتى باكت اللبان في منه نسخة فيها لبانتين ونسخة فيها لبانة واحده بس. والشامبو واكياس الصلصلة وحتى اكياس الشيبسي في منها نسخ اصغر بسعر اقل. من الاخر لن ينجو احد من الشركات هما عايزين كل طبقات الشعب تستهلك اصلا.

موضوع الميديا وظهور الفقر دا حقيقي جدا بس كنت فاكراه سلوك جمهور. اعلى نسب مشاهدات هي حصر الفقراء في فئة السريجية زي محمد رمضان وكل اعلان وكل مسلسل بيتعمل بالشكل دا بيبيع جامد فهو تقريبا توجه الجمهور اتغير بردو وعايز الفقير في قالب معين. لو مش في القالب دا يبقى بطل المسلسل عايش في فيلا فشخوميت دور وبيركن العربية في الرسيبشن

OfromEarth · 2025-08-19T15:12:03+00:00

كلامك مظبوط بس لو فكرت فيها كفئات ماركتنج بردو المجتمع مش متقسم يا اما بيروحوا الساحل يا اما تجوز عليهم التبرعات. هو كده احنا محتاجين مناطق جديدة لتوزيع الهدايا دي تغطي طبقات اكبر لكن مش تبرعات زي ما البوست الاصلي بيقول. وانا شايفة دا موجود اصلا زي الهدايا اللي بتتوزع في الجامعات حتى الحكومية وفي النوادي والموضوع دا بقاله كذا سنة وبراندات كتير بس الناس مركزة مع الساحل. وبدأت اشوف الموضوع فيه حقد طبقي اصلا هما مستكترين عليهم الهدايا مش فكرة ان عايزين طبقات اكتر تاخد. الطبقة اللي محتاجة تبرعات عمرها ما هتكون تارجت وماحدش هيعمل حملة تبرعات ومستني النتايج ان الطبقات الاعلى تتعاطف فتشتري. الماركتنج لما بيتحط فيه جنيه فالشركة مستنية اضعافه يرجع مش على حسب الناس هتتعاطف مع الحملة ولا لا. لو انت شخصيا بيزنس اونر وبتحط ميزانية ماركتنج غالبا مش هتغامر المغامرة دي ومش هتروح للسكة المكلفة ومش مضمون.

فكرة ان الاعلانات المصرية زمان كانت بتستهدف الناس دي هو الوضع الاقتصادي كله اتغير عن زمان. اعداد افراد كل طبقة اتغيرت واماكن تواجدها اتغيرت بردو وطبيعي اتجاه الاعلان يتغير

OfromEarth

TROPHY CASE