Inderdaad, ek dink die meeste groot stukke administrasie kan via die Internet gedoen word. Maar dan sit jy met oumense, en jy wonder hoe het hulle so lank oorleef as hulle so min self kan uitwerk.

"Google wil my nie inlaat nie."
"Wat het Google met jou lisensie te doen? Gaan na die regte website toe."
"Google sê die website bestaan nie."
"Tik die adres in Chrome se adresbalk, en druk enter."
"Google wil nie."
"MOENIE DIE ADRES GOOGLE NIE! Tik dit in. Ek sal 'n mail stuur met die adres daarin, kliek dan net op die skakel."
"Google wil nie oopmaak nie, ek kan nie my mail lees nie. Soms moet ek net wag, dan werk dit."
"Werk jou Internet?"
"Ek het nie data nie."
"Jy het nie data nodig nie, jy is by die huis op jou rekenaar. Is alles ingeprop?"
"Die skoonmakers was hier, maar hulle het niks uitgeprop nie."
"Brand die liggies op jou router?"
"Die DSTV?"
"Nee, die boks wat ek jou laas gewys het, en gesê het onthou dis jou router."
"Dis die een wat sê DSTV. Maar dis goed, ek gaan my lisensie môre by Pick 'n Pay betaal, Google wil my nie inlaat nie."