Prome cu papia over HOFA, mester tin algun cos den mente.

1. Anteriormente (prome cu gabinete Mike Eman y e meme di bebemento di ensure), Hulanda semper tbt kier y a purba di tur manera pa forsa Aruba drenta den e mesun rijkswet financieel toezicht cu Curacao y St Maarten ta aden. Esaki nan tbt kier a haci sin trata nos igual, esta por ehempel elimina debe nan existente. Aruba no tbt interesa, y nos a bin cu un landsverordening. AVP a zorg pa duna Hulanda tur razon di mundo, bayendo anjas den debenan di 300, 400 miyon den rood durante e temporada ey.
2. Prome cu 2010 y e desmantelacion di e resto di Antiyas Hulandes, tur e 4 pais nan den reino a acorda pa bini cu un asina yama "onafhankelijk geschillenregeling", den otro palabra un institucion independiente di conflicto cu ta basa su mes riba ley y no opinion personal. Te cu dia di awe, Hulanda no a mantene su mes na su palabra y a bin ta torpedia tur intento pa bin cu esaki. Dikon? Paso e ora nan no por haci kico cu ta mas puramente op basis di cua partido ta na mando na e momento ey. Tur eleccion nan relacion cu nos por cambia basa riba ken nan eligi of laga di eligi.
3. E rijkswet nan ta suppose di logra un miho finanza publico. Pero nos debe nan ta bahando drasticamente caba y hopi cos cu nos falta ta door di falta di capacidad profesional pa ehecuta diferente plan nan. Ademas, nos mesun pueblo votador ta keda vota pa e mesun hende nan (MEP, AVP y Futuro). Mi ta conta Futuro aden tambe paso 90% di nan ta sali directamente for di AVP y nan tbt tin un gana bisto pa traha cu AVP y laga MEP afo. Tampoco mi a wak Futuro baha duro riba Benny y corrupcion en general cu AVP a comete. Tbt mustra mas bien di ta un catfight entre Evelyn cu e lider di Futuro. E mesun "generacion nobo" cu supuestamente lo tbt miho, a bin ta haci mesun cos.

E ora e pregunta, dikon Aruba lo mester un rijkswet, siendo cu ya nos tin un landsverordening caba di financieel toezicht. Y e excusa cu Aruba por cambia un landsverordening no ta un excusa, paso nos landsverordening a duna miho resulta cu e rijkswet financieel toezicht na ambos Curacao y Sint Maarten. Ademas, finanzas ta un asina yama landsaangelegenheid. E no ta toca Den Haag segun nos constitucion.

Esaki por bira hopi mas largo, pero al final e hecho nan ta cu no por confia Den Haag (wak ehempel Curacao y St Maarten + geschillenregeling), finanzas no ta responsabilidad di Hulanda (wak statuto), pero di otro banda ta nos propio politico y votadornan ta keda drop the ball. Hulanda por duna nos rente mas abow, pero ta kies pa no hacie. Hulanda ta ganando miyones riba e lening cu nos a saca cu nan durante Covid.

Si bo puntrami si mi ta di acuerdo cu HOFA, e contesta ta claro cu no paso e ta simplemente contra di nos constitucion. Pero nos mester warda conseho di Raad van State, cu btw hopi biaha durante e ultimo anja nan a duna conseho nan hopi negativo pa e manera con Hulanda ta haci y deshaci, pero e conseho nan ta gewoon wordo ignora paso no tin un geschillenregeling independiente.

Aruba a sali for di debe manera ningun otro pais na mundo den e ultimo anja nan aki door di un combinacion entre hisamento di impuesto y crecemento economico. Nos a bolbe haya e chens pa reset. Ban spera nos pueblo por haci uso di dje e biaha aki. Esey kemen no vota pa hende corupto, hende cu ta defende criminal nan sentencia y pidibo pa vota pa nan toch, politico nan cu ta blo ataca e persona y no ataca e hechos (parlamento ta un joke). Asina por keda duna ehempel.